首次舉行大型演唱會的MFM，唱了連串代表作，之後Vivian驚喜現身，與MFM合唱經典作品《Cest La Vie》，更獨唱了《孤單的心痛》。
澳門組合MFM，前晚於澳門威尼斯人劇場舉行演唱會，3位成員羅嘉豪、祖絲及AJ等，唱了不少組合的歌，但演唱會一亮點，則落在表演嘉賓周慧敏(Vivian)身上，原來羅嘉豪從小就是Vivian的忠實歌迷，今次邀得偶像義務做演唱會嘉賓，當然格外興奮，Vivian則稱，喜歡粉絲羅嘉豪的組合多才多藝，才答應做嘉賓。
MFM亦準備鮮花及生日蛋糕作，全場預早為11月10日生日的周慧敏大合唱生日歌。
Vivian的粉絲羅嘉豪，台上分享自己迷偶像的經歷，「我細細個好鍾意阿V，有一晚執嘢，我搵到《94年美的化身演唱會》嘅簽咗名錄音帶，於是隨手影咗張相，喺阿V嘅社交平台上留言話執到寶，點知得到佢嘅回覆，呢個就係我哋嘅第一個聯繫。」祖絲亦即大爆隊友瘀事：「上年年尾，嘉豪Cover咗阿V嘅歌，得到阿V嘅Share，當時我哋搭緊船返澳門，當刻佢開心到尖叫同由座位跣咗落地下。第二次就係阿V答應做嘉賓，佢即時激動到喺餐廳度喊。」
欣賞粉絲隊組合夠全面
聽完各人分享，周慧敏說：「其實頭先喺後台嘉豪送咗禮物俾我㗎啦，就係佢第一次學整蛋糕，話失敗咗好多次，但今次好成功嘅咖啡瑞士卷，本來諗住喺返香港嘅船程先食，最終忍唔住試咗幾啖，真係好好味。我因為嘉豪而認識MFM嘅，大概係舊年，嘉豪發訊息去我個社交平台，我見佢係我嘅忠實支持者，又發現佢原來係一個創作歌手，又係節目主持，仲有隊組合MFM，我有喺網度睇MFM嘅歌，佢哋跳舞好型、唱歌好聽，聽到嘉豪Cover我嘅歌好開心，今次受到邀請就立即應承。」
入App免費換走健康產品
