江美儀初當司儀，表現甩漏，連她自己也感到不好意思。
昨日無綫播出的《明愛暖萬心》由汪明荃、陸浩明、江美儀及何沛珈，其中江美儀更以「愛心護航者」身份做主持。由於江美儀主持經驗不多，因此整晚表現緊張，當吳業坤演出完畢之後，她要個人介紹明愛的服務，但就算有講稿在手，依然狂食螺絲。
不止江美儀出現食螺絲，有網民發現汪阿姐也出現發台瘟情況，幸好陸浩明執生快。
睇稿讀都唔掂
江美儀在簡介明愛服務時，已經表現㪐㩿，需要看貓紙，惟讀到另一段時，更出現嚴重甩漏情況，期間她也忍不住合埋眼回憶講稿內容︰「明愛服務一路可以…以優化嘅延續，除咗係多謝一班有心嘅專業團隊之外，我哋亦都要多謝咁多年嘅…一…咁多年嘅善長仁翁慷慨解囊，為明愛嘅教育…為明愛嘅服務…奠定……基礎」之後她望一望講稿再說：「基礎，鞏固嘅基礎，關愛同行70載，燃亮希望照未來，我希望大家繼續支持明愛，以愛燃亮我哋嘅未來。」
發文道歉︰好好反思
美儀其後在IG發文就其表現致歉︰「對唔住！因為我live show經驗尚淺，出場又唔夠冷靜，執生能力又差，就係我嘅『甩漏』令原本滿分嘅show，而家變得不完美！我向大家道歉，我會好好反思，下次一定會做好自己！I am so sorry! 」余安安、李佳芯、唐詩詠及林子善等留言安慰，余安安寫道︰「唔會啦！一向知道你好勤刀(力)的。live show 係好大壓力同難度高！你已經好好啦而且好靚女！保(補)翻數！」
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
