江若琳今日出席汽車品牌活動。(娛樂組攝)
江若琳今日（21日）出席汽車品牌活動上台時分享自去年發生交通意外後，最近她已經重新開始嘗試駕駛。她接受訪問表示：「成功挑戰克服「江若琳灣」，我覺得我自己係成功衝破咗自己心理關口，仲去咗一啲好地獄嘅停車場都冇事。」她指較早前拍攝揸車影片的感受：「我個心跳得好快，唔好講揸車，我連行過（江若琳灣）都兜路，我都盡量唔想望住嗰個地方，但無論點，我喺邊度跌低就要喺邊度企起身。」江若琳指老公蕭潤邦有不斷鼓勵她駕駛，並笑言：「其實佢（老公）就冇乜資格串我嘅，佢揸車技術係好，但係方向感好差，唔知點解由九龍區揸去九龍區嘅時候會入咗西隧，佢一揸車同我出去，我一定會預多啲時間出門口，因為一定會遲到。」她透露計劃會再選擇親自駕駛接送兒子立鈞（Owen）上課及下課的行程。
江若琳指已經重新開始嘗試駕駛。 (娛樂組攝)
今年或會拍劇
被問到最近是否有計劃在香港開演唱會，江若琳坦言：「籌備當中，其實都好想開，最近都有出新歌，收到好多香港嘅朋友都問幾時會喺香港開演唱會，仲同我講細細個就聽你唱歌，不過細個嗰陣讀書就未有能力去買演唱會飛，歌迷就話現階段已經有工作，好希望我再出嚟開演唱會，我覺得好感動，因為陪住一啲人去長大，希望會有好消息。」講到今年是否有計劃出新歌，她表示：「嚟緊新歌即將會同一個全新嘅班底合作，呢一個音樂人係我好鍾意同埋好欣賞，呢首歌我揀咗好耐，嚟緊就會準備錄音。」她透露今年也有機會接拍劇集。
立即更新/下載AM730手機APP 體驗升級功能
