
阿姐開騷,服飾與布景極具視聽。
一連兩場「阿姐•汪明荃演唱會2024」昨晚(23日)在紅館舉行首場演出,陳慧琳和林家謙任表演嘉賓。演唱會以不同顏色的珠寶劃分演出部分,阿姐首以金色造型唱出《閃爍登場》和《迷人Pink Lady》,之後一身寶石紅展開第2部分,一口氣唱了《銀河》、《華麗轉身》和《傾城之戀》。她說:「今次演唱會花咗好多心思,仲特登搵人寫新歌做演唱會嘅主題曲。今次就請Wyman黃偉文填詞,同埋一位音樂才子作曲,佢就係《Make my day》嘅作曲人林家謙。」

阿姐戴上王冠好有霸氣。

家謙幫阿姐寫新歌兼做演唱會嘉賓。
家謙唱《迷人Pink Lady》
阿姐和家謙合唱《用愛將心偷》後,阿姐回後台,家謙說:「今日揀咗一隻阿姐嘅歌翻唱,呢隻歌大家都應該聽過,不過我估未聽過男仔唱,首歌我好鍾意,因為好好聽,同埋我唔開心嗰陣,聽完首歌就會變返好開心,希望大家聽完我唱都會好開心,送俾大家《迷人Pink Lady》」。家謙唱完,阿姐出場,唱出《家變》、《四季情》。

背景放出阿姐多個電視劇造型。

Kelly與家英哥也是演唱會嘉賓。
18年前合作
之後,阿姐以一句「她既是一位天后,也是一位女神」來介紹,第2位嘉賓陳慧琳出場。Kelly出場即讚:「妳好靚。」阿姐說:「我同Kelly只係合作過一次,錄過一隻歌,係18年前嘅事。」Kelly說:「呢首歌叫《自由女神》,講嘅係單身,18年前我同阿姐都係單身。」兩人合唱後,Kelly再唱《對你太在乎》。Encore環節,阿姐唱出《熱咖啡》,最後以黃偉文、林家謙合作的《Make my day》作首場完結。