剛新婚的蔡穎恩(Evelyn)，新婚一日即復工，她表示因為婚前接下幾個工作，又希望今年有新開始。Evelyn除多了人妻身份，年初又加盟新公司。問她婚後會否隨即多了人母身份，她笑說：「睇我今日著呢條裙就知暫時仲未有，不過我想講，其實有啲嘢係可以控制到，結婚之後同老公都各有各計劃，之前搞婚禮已經好攰，我同老公都係結婚前至完成手頭上工作，直到前日至有機會同老公有時間撐枱腳，暫時都應該唔諗生B住。」
因為疫情關係，Evelyn表示，暫未能出外渡蜜月，亦因太忙未能去Staycation，不過就可工作賺錢，她笑說：「今年要搵錢派利是，以往都係派5位數開工利是，今年係結婚之後第一次派利是，預計要派6位數，條數有啲襟計，不過係開心事。」
Evelyn透露，稍後有新劇開拍，問到其夫可准許她拍親熱戲，她笑說：「暫時同老公仲未傾到呢個話題，如果劇情需要都會調節下，可以考慮去第二個地方拍攝，又或者等電影上映後至俾佢知。」
入App免費換走健康產品
