安德尊轟炸式發問，又要手多多，搞到李家鼎叫他「唔好郁」。
李家鼎自上月中起，每逢星期四便會現身《流行都市》教煮餸，首幾集有大王安德尊夥拍鼎爺，但大王不停問問題，又不時手多多，搞到鼎爺忍不住叉頸表示嘔血，更跟大王說︰「我未出聲，唔好問住」。
張美妮也在旁叫安德尊不要多口及多手。
安德尊唔會收細音量
無綫特意找來大王接受訪問，他聲大大表示：「呀緊係火啦！火熱呀嘛大家都，火爐有個火，佢煮嘢又夠熱。」大王回答時表現輕鬆，更讚鼎爺煮餸好快手，「三兩嘢搞掂，佢真係好快」。
對於音量問題，大王說︰「一樣會咁大聲，佢都咁大聲啦，我不嬲都咁大聲。鼎爺係我哋前輩，佢有咩我就跟佢做，佢話乜就乜，呢個好平常囉，鼎爺叫你拎豉油，你攞唔攞？同鼎爺相識幾十年，我哋就係咁溝通㗎啦，可能少見我哋電視上一齊。因為佢做另一個世界，或者拍劇我哋好少碰面，難得大駕光臨仲唔學下嘢呀，啱唔啱呀？」
🎁 amJetso請你睇《焚城》，快Ｄ開APP玩👇 👇
