特區政府首發「緊急警示」，呼籲市民勿往伊利沙伯醫院。(陳奕釗攝)
政府今日(9日)公布將伊利沙伯醫院改為定點醫院，並向全港市民的電話發出「緊急警示」提醒市民伊院即日起改為定點醫院，專門接收新冠病人，並指其急症室將以接收新冠確診病人及有生命危險的緊急病人為主，呼籲其他人士切勿前往。
由於大家都是第一次收到有關警示，而警示一出的時候，電話不停震動及發出響聲，不少網民被嚇親，誤以為電話中毒或「俄羅斯打到嚟」。多位藝人亦在社交平台提及這個「緊急警示」，坦言被嚇親，其中鄧麗欣更一度以為發生地震。
莊思敏︰「個電話突然尖叫，爭啲嚇死我！」
Dee@ERROR︰「我俾佢個響聲嚇親，勁奇怪！」
余德丞︰「有人撳錯掣？#嚇到即刻扔低咗部電話」
梁嘉琪︰「老人家我心血少啊！成屋電話一齊響嚇死人咩！」
DJ當奴︰「下次咁震，希望收到無晒病毒，大家飛得，身體健康！」
徐天佑︰「玩嘢咩……緊急警示」
趙學而︰「曲你個乖！嚇到個心離晒罩喎我倆老以為自己有幻覺，咩聲呀？係咪地震警報？我哋中咗感冒？虎你咩！」
柳俊江︰「跑跑下收到Emergency alert，我以為俄羅斯射咗核彈⋯食個雪糕！定下驚先！」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
