由鄭裕玲、鍾慧冰等組成「至八會」後，娛樂圈忽然冒起女團潮流，像胡杏兒、胡定欣的「胡說八道會」、鍾嘉欣、李亞男、岑麗香的「處女黨」，以及楊千嬅、陳逸寧的「MKB48」等，每隊都有驚喜特色。最新一隊由蔡少芬(Ada)、朱茵、陳法蓉(Monica)及洪欣等組成，因為以港式口音普通話(港普)上國內綜藝節目，鬧出不少笑料，為了延續「港普」傳奇，她們正式宣布組成全新女團「港普F4」，希望透過特色口音繼續發放歡樂。
「港普F4」標榜簡單自然、不加雕琢，朱茵說：「其實幾好㗎，一講港普就記得我哋4個人，Ada去拍戲同埋拍綜藝節目時，大家一聽到佢嘅港普就會諗起我哋其餘三個。」在訪問期間，她們姊妹間的暱稱也意外曝光，朱茵續說：「我哋平時私底下唔會叫咩F4，反而係稱呼大家做『死八婆』！」洪欣繼續爆料，矛頭更直指Ada：「係呀！係 Ada 嘅口頭禪嚟，佢叫個個都係『死八婆』，我哋冇名㗎，有時都唔知佢叫緊邊個。」
入App免費換走健康產品
