炎明熹個唱尾場因為颱風關係而延期。
炎明熹(Gigi)首個個人演唱會尾場因為颱風小犬而延期，Gigi親自錄音向歌迷致歉並分享首場個唱的心情，她表示對專程來看她個唱的人失望感到不開心，並指首場有很多不足的地方承諾下次會做得更好。
Gigi錄音完整內容如下︰
「Hello大家好，我係Gigi炎明熹，好想同第二場嘅觀眾衷心講一聲非常之抱歉，因為颱風嘅關係，冇機會睇到我嘅演出，同埋我知道其實有好多朋友專登喺世界唔同嘅地方飛過嚟香港睇我表演，令到你哋失望其實我都好唔開心。因為我希望每一位朋友、每一位支持咗我咁耐嘅朋友，都可以睇到我第一次嘅表演。
喺尋晚(7日)5 part表演入面，我每一part都非常之印象深刻。首先係大家俾我嘅力量，其次就係好多謝樂隊嘅老師們同埋跳舞嘅老師們，俾到我一個咁好嘅諗法，然後亦都要好好多謝尋晚(7日)嘅嘉賓，『大Gigi』梁詠琪，因為我估唔到我前排唱咗Gigi嘅歌，例如《我鍾意》、同埋同Felix（林智樂）合作嘅《短髮》，之後我就有機會見到真人呀，非常之榮幸亦都好開心！」
她續說︰「最後我想講，雖然今次演唱會有好多地方都做得唔足夠，但係我好相信，呢個係上天嘅安排，俾我有更多時間準備好自己、裝備好自己，為我下一次開演唱會嘅時候可以做得更加好，準備得更加好。正如第一晚嘅演出，我喺台上講過，雖然我唔知道我嘅fans會陪我行幾耐、行幾遠，但係我承諾大家，我會做一個更值得你哋支持嘅歌手，炎明熹。」
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
