有「被演藝事業耽誤的美食家」之稱的黃秋生，夥拍相識近20年名廚好友張錦祥(Ricky Cheung)，為ViuTV節目《究竟食咗乜》前往意大利，展開美食拍攝之旅，品嘗當地正宗意大利菜之餘，Ricky亦會帶同港式調味料，以當地食材炮製創新的意大利版「豉油西餐」。
明晚播出的一集，兩人到訪馳名意粉小鎮Gragnano，拜訪唯一仍然堅持人手製造的螺絲粉(Fusilli)工廠，由於大部分女工都是由12歲起就開始學習製作麵條，風趣幽默的秋生笑言：「想像下佢哋12歲嗰陣個樣係點呀，Virgin Spaghetti呀！」之後，秋生和Ricky更學搓螺絲粉麵條，自稱「細個就喺屋企做手工業」的秋生，被搓麵條考起，更忍不住連環爆粗，一度阻止工廠負責人幫忙：「It’s ok. My style」，在旁的Ricky笑言：「條麵好似碌完之後直咗喎。」秋生聞言十分不服氣，立即再試第二次，最終成功搓到麵條成螺絲形，更自誇：「嗱，係咪有天分。」
意粉廠老闆娘用傳統手法炮製番茄芝士手工螺絲粉給秋生和Ricky品嘗，秋生表示：「彈到好似橡筋咁樣。」
入App免費換走健康產品
