2017-07-20 06:00:00

爆鎮宇智霖唔收口阿佘被笑愈食愈瘦靠扣喉

周秀娜被指與已婚電影監製黃永峰去看電影，她指二人相識已久，不明白和朋友睇戲都可以傳出緋聞。

吳鎮宇、張智霖、佘詩曼(阿佘)、周秀娜等，昨日為電影《洩密行者》進行開鏡拜神儀式，吳鎮宇跟張智霖皆飾演警察，而佘詩曼則飾演新聞記者，談到這齣電影是動作戲，阿佘笑說是咀部動作戲，因吳鎮宇、張智霖二人在拍攝期間吃過不停，吳鎮宇即取笑阿佘，指她也有份吃，只是食完的時候，扣喉嘔番出來。

據知《洩密行者》動作連場，問阿佘應付動作戲是否很辛苦，她笑言：「動作戲係好多，咀巴動作戲嘛，吳鎮宇、張智霖佢哋兩個響馬來西亞拍外景時，不停係咁食。」在旁的吳鎮宇即取笑阿佘，「知唔知點解阿佘食極唔肥？因為佢每次去埋單時，可能去咗扣喉，嘔番晒啲嘢食出嚟。」吳鎮宇又笑指：「張智霖係演馬來西亞警察，特別嚟港查案，咁未查案前，點都要帶佢又飲又食。」

與傅家俊桌球對決被讓60度都輸
談到3人都分別合作過多齣影視作品，張智霖說：「其實一聚埋，有啲《十月初五的月光》嘅感覺，好親密，大家都係老朋友。」張智霖指，早前上節目跟傅家俊比賽桌球，「雖然自己本來就識得打桌球，佢又讓我60度，不過都係輸俾佢。」張智霖笑言私下很少玩，只愛約朋友聊天和購物。