王君馨與丈夫Daniel終成眷屬，原來在3年半Long D關係裡，曾現危機。
王君馨(Grace)最近開設YouTube Channel與大家分享她的人生經歷，由童年、工作，甚至與老公Daniel的相識過程，都一一和大家分享。在最新一條短片中，Grace自爆與老公Daniel展開遠距離戀愛時，因為拍劇關係，一度戀上男拍擋。
Grace表示與Daniel一起的十二年時間內，曾有一段時間分開長達3年半，二人在這段時間未有找另一半，最後因為信仰而再度走在一起。其時Daniel在美國工作及生活，而Grace則在香港拍劇，二人自此展開Long D戀愛。她表示在自己不開心的時候，很想男朋友在自己身邊，可惜Long D關係，令她非常寂寞，道出一眾Long D 情侶的苦況。
她直言對男方動了真感情。
王君馨自爆對拍擋日久生情。
其後一次拍劇，Grace表示因為與該名拍擋成日見面，開始常常想著對方，就連看劇本也想起對方。她說︰「真係開始對佢有一啲真感情，我就發覺我會開始想照顧佢，想多見佢一啲。有一日發夢都見到佢，我感覺到上神俾咗個黃燈，令我發覺我諗呢個男仔太多。」之後她索性向Daniel坦白，她直言Daniel知道之後十分氣憤，Grace為Daniel許下承諾︰「我有同佢講對方係咩人，我哋有好多話題好夾，但我答應佢三點。首先除咗拍劇食飯，我唔會同呢個人單獨出嚟食飯；第二，我會經常在我同呢個人嘅對話中提起Daniel，強調自己係有男朋友；第三，如果Daniel返香港，而佢又想見呢個人，我可以安排三個人見面。」
Grace 表示對男方許下承諾。
她表示透明度是很重要。
Grace坦言類似事件發生過兩至三次，Daniel每次都很生氣，但也很感激Grace對他的坦白，Grace也表示身邊的朋友覺得她沒有必要向Daniel提及，但她認為伴侶之間的信任及透明度是很重要，她也認為沒有必要為那個男生的10%，而放棄與Daniel經營的90%。Grace續指婚前曾遇到另一位基督徒對象，對方希望為世界做好多事，令她再次感到興趣，她說：「點解經歷咗咁多嘢，仲有咁多疑感？我有同Daniel講對方約我飲咖啡，Daniel問佢可以有咩選擇，如果唔俾我去，我會對呢個人繼續感好奇，但如果俾我去，佢會心碎。最後我拒絕咗。」最後她在片尾感激身邊的人支持和鼓勵，並感恩在入行前遇到Daniel，共走餘生路。
Grace 靠3招努力維繫Long D關係。
入App免費換走健康產品
