阿班好錫囝囝Samuel，但日前阿班就吸住煙行街，教壞小朋友。
荷李活地位屬重量級的班艾弗力(Ben Affleck)，估計身家超過1.5億美元，可算相當有錢。他與前妻珍妮花加納(Jennifer Garner)育有兩女一子。日前他在電台節目講述一個有關兒子的故事。
近日，13歲兒子Samuel扭計要買一對炒至6,000美元(約4.6萬港元)的Dior X Nike Air Jordan波鞋，有錢如阿班聽了也嚇一跳。
阿班上月同囝囝去波鞋市場睇鞋，就係睇中手中的Dior X Air Jordan。
Dior X Nike Air Jordan炒價6,000美元。
我有錢唔代表你有錢
阿班問囝囝：「你打算幫人剪草賺外快？」Samuel即說：「我哋屋企有錢嘛。」阿班反擊：「係我有錢，唔係你有錢，買咗你跟破產冇分別。」
阿班建議囝囝想要錢可以打工賺錢，知道甚麼是最低工資，長大後才識謹慎用錢。阿班兩名女兒亦準備打工賺錢。19歲大女正找暑期工，16歲細女在一間零售店做打雜，網民大讚阿班教子女有方。
阿班與前妻擁有兩女一子，感情要好。
限時早鳥優惠 火速訂位 | am730母親節溫馨晚宴 $5000福袋等你拎!
