俞琤重錄《天各一方》獨白，向醫護人員致敬。
本港第五波疫情嚴峻，前線醫護人員承受前所未有的壓力。日前，前商台高層俞琤和曾路得重新演繹1980年的歌曲《天各一方》，俞琤相隔42年後再次開金口，將經典獨白重新灌錄，藉此為醫護人員打氣。
1980年《天各一方》的獨白，「今日你同我天各一方，你有你嘅生活，我繼續我嘅忙碌」成為香港人的經典金句。而在2022年的《天各一方》新版本中改為：「曾經有人講過，你要記得嗰啲大雨中為你撐傘嘅人，幫你擋住外來之物嘅人，黑暗中默默抱緊你嘅人，○氹你笑嘅人，陪你徹夜聊天嘅人，坐車來看望你嘅人，陪你哭過嘅人，喺醫院陪你嘅人，總係以你為重嘅人，帶住你四處遊盪嘅人，話想念你嘅人，係呢啲人組成你生命中一點一滴嘅溫暖，係呢啲溫暖使你遠離陰霾，今日我哋要更加記住嗰啲冒住自己生命危險、喺前線醫護我哋嘅人，我哋一定要記住嘅...係呢啲人！」影片中以香港的天空及一頭鷹在空中翱翔作為畫面，加上曾路得的溫柔歌聲，的確撫慰不少人的心靈。
林日曦IG發文表揚對方提攜
而林日曦得悉恩師俞琤重新演繹《天各一方》，特別在IG發文表揚對方的提攜：「我呢世人死好命，曾經遇上幾位前輩不吝提攜，那些知遇之恩我從未忘記。其中最重要的一位，當數俞琤YT。」
視俞琤為恩師的林日曦又坦言當初曾勸俞琤唔好做，怕外界覺得老土，又擔心俞琤被屈為維穩。不過俞琤表示「唔驚得咁多」，她只是很想做這件事，不會因此放棄，並藉此說些說話感謝想感謝的人。
amJetso 送BIODERMA救星小紅瓶🩷護膚恩物 立即按此參加👇
