鄒凱光面對種種防疫政策，慨嘆：「今時今日可以自己決定到一件事，你知有多珍貴的！」
網傳禁足，超市貨品被搶購一空，活在「盲搶炎」的恐慌下，鄒凱光(灘叔)昨晚凌晨在社交平台發長文，抒發疫情下的「思維改造」的過程，他直言，「很久沒有在這裡發言，因為活在今時今日的地球，我已無話可說，欲哭無哭(淚)！」當一個人的決定搞到「全港錯晒」，始終生活仍要過，他揚言要透過「鬥慘」之法，讓自己找到「咁又係」的舒緩，倒抽一口氣，然後繼續走下去。
發表「鬥慘」宣言
到底甚麼是「咁又係」的舒緩，灘叔表示，「其實好簡單，鬥好就好易比下去，但鬥差鬥輸又唔只無壞，直頭得身心一刻舒暢，例如你覺得點解會俾一個人嘅決定，搞到我哋全港錯X晒，我哋受X晒!但你諗諗普京一個人決定，俄羅斯人肯定大鑊過我哋百倍，然後說聲「咁又係」，果種high像dup骨按中最攰果個位一樣!好救到命，所以阿Q就阿Q，唔開心記住要鬥慘！」他強調並非要「放負」，並解釋說：「跟住日子只會更激膠氣，大家唔好再諗住幾時可以正常番!當這個「新常態」變成日常，就係你所謂的正常!同一件事，若從前反應是「有冇搞X錯呀!」，現在會變成「今時今日好合理吖」從前好驚中招，現在好驚困到發癲!然後仲中埋招! 」他形容這就是從「有冇搞X錯」、「今時今日好合理吖」、「咁又係...」的演化。
亂世下 每次自決都珍貴
他又分享有親友深宵出車準備大清早等超市開門搶貨，更被問及有甚麼需要買，灘叔反問：「你會凌晨兩點諗要去超級市場買什麼嗎？」朋友回答「咁又係」，然後語重心長地表示，「寧為太平犬，莫作亂離人。天下大亂，如何自保，各人不同，但寧為玉碎，不作瓦存，雪櫃可以無嘢食，但做人唔可以無咗自己，你是什麼就用什麼方法去面對，只要你無影響到其他人的話，結果如何都全是你決定!今時今日可以自己決定到一件事，你知有多珍貴的！「咁又係」」最後他hastag #寫完真係舒服晒 #希望你睇到 #思維改造 #咁又係 #鬥慘 #贏
amJetso 送BIODERMA救星小紅瓶🩷護膚恩物 立即按此參加👇
