盧巧音突然入院做手術。
盧巧音(Candy)昨天在社交網突然貼出在醫院病床的照片，並表示剛做完手術，除了老公蘇浩才(Sammy)陪伴外，消息更令一眾網民非常擔心。
原來Candy解決了兩個月來的身體不適，她說︰「呢兩個月嘅唔舒服，呢兩個月嘅謎團終於解開。話說11月以為自己牙痛，搞咗成個月，X Ray都照埋，隻牙無裂牙肉無事係有腫脹，然後keep住有鼻涕。其實，嗰陣已經懷疑自己有鼻竇炎，自己衰無理到，最終都係搵番我個醫生，叫佢介紹咗個耳鼻喉專科，然後照埋CT scan。醫生話要做手術啦，因為鼻竇積啲嘢喺度，如果唔清咗佢，翻發會比較嚴重，所以即刻排期做手術。」
Candy感謝醫生在治療過程中令她沒太多擔心和害怕，目前仍在休養的她，表示已完成手術出院回家，但相信不能參加下月中的「渣打馬拉松，她續說︰「呢兩個月，如果覺得我唔開心嘅朋友，你哋唔使擔心，因為我只係唔舒服，所以令到我好唔開心，我無事㗎啦！PS 病向淺中醫，PS 嚇死老公無命賠，PS 24年前又係喺呢度做人生第一個手術。」網民都紛紛留言祝福她：「早日康復」。
老公Sammy全程陪伴在旁。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
