Amy超愛狗狗的濕吻。
電影《得寵先生》於本月28日上映，日前舉行了「狗狗慈善～人寵共融慈善優先場」，狗狗與主人一齊在戲院睇戲，場面熱鬧。女主角盧慧敏(Amy)、黃梓樂，及飾演「熊貓仔」的狗演員CowCow現身謝票。眾人與狗狗合照，Amy更被小狗興奮濕吻。事後Amy扮害羞：「好耐冇呢個感覺，好懷念。」
Jay Fung首日已和Amy演分手戲。
眾人與狗狗開心合照。
Jay讚Amy交到戲
首次拍戲的馮允謙(Jay Fung)首日開工就與Amy拍分手戲，情感沉重。Amy爆料Jay Fung問了她26次「緊唔緊張」。原來他最擔心是講中文對白。 Jay Fung表示：「我以為好緊張，但原來幾好玩。可能啱啱拍完新歌MV，演好多唔同角色，拍戲就當自己拍MV。」Jay Fung表示拍戲要演得好細緻，大讚Amy做得好。「見到Amy交戲咁好，我問自己點樣可以演得更好？佢喺我上車後，繼續遠遠咁望住我。佢喊，但又唔可以喊得太淒涼，有兩行眼淚滴落嚟。」身旁的Amy追問他自己喊樣如何？Jay Fung賣口乖：「當然好靚。」Amy即滿意點頭甜笑。
amJetso 送BIODERMA救星小紅瓶🩷護膚恩物 立即按此參加👇
