相隔五年，Joyce推出新專輯《JOYCE TO THE WORLD》。
出爐「勁爆女歌手」鄭欣宜(Joyce)，昨日(28日)推出全新專輯《JOYCE TO THE WORLD》，她心情興奮又感動，第一時間到旺角唱片店「攞頭彩」買唱片，並親自充當店員為fans送驚喜。相隔5年再出碟，Joyce自言變得大膽了，感謝唱片公司團隊，讓她可隨心創作，並向fans大派定心丸：「我繼續有做我好鍾意嘅嘢，我冇放棄。」
Joyce大讚製作團隊有心思，神還原她的理想家居。
畏高的Joyce要踏上屋頂拍照，一步一驚心。
踩上屋頂嚇到尖叫
新專輯收錄了Joyce加盟寰亞後的作品，唱片封面和相集設計選用了她最喜愛的Pop Art風格和顏色，Joyce不禁大讚攝製團隊有心思，神還原她的理想家居，令她很有專屬感。她憶述拍攝封面時，最難忘是美術組搭建了兩層高的大廈，雖然只有2米高，但畏高的她要踏上「屋頂」，仍是嚇到尖叫，「除咗要從窗口伸個人出嚟擺甫士，仲要爬上屋頂影相，嘩，好驚呀！雖然好安全，但我爬上去嘅時候覺得有啲搖，原來我有少少畏高，工作人員話已經爬上試咗好多次，確保安全，但佢好瘦，我唔係嘛，我仲要喺屋頂趴、瞓、側身躺等擺甫士，總之步步驚心。」
唱片封面及相集選用了Joyce喜愛的Pop Art風格。
Joyce擺出各種鬼馬甫士。
感恩受寵愛
回看過去5年，Joyce坦言盡是感恩，「以前我係緊張大師，乜都問，每一步每個環節都要兼顧，有好多擔心，但呢間公司令我好放心。」其間她一度感觸哽咽，她接著又投訴攝影師，把他拍得她太靚兼有腰，又喊又笑盡顯真性情。她表示很期待跟fans分享碟內作品，「好想話畀鍾意我嘅Fans知道，我繼續有做我好鍾意嘅嘢，我冇放棄，而且有好支持和好懂得欣賞我嘅公司和團隊，佢哋好有耐性咁發掘我唔同嘅可能性，有被寵愛嘅感覺，好感恩。」
Joyce大讚攝影師把她拍得很瘦。
Joyce 親身到唱片店買碟並兼任店員。
入App免費換走健康產品
