曾志偉、譚詠麟、成龍與鄧炳強，一起唱《朋友》。
昨日網上流傳一批影片及照片，警務處長鄧炳強與一眾下屬，出席一個名為「晨曦．明星隊晚宴」，席間狀甚興奮的鄧炳強致詞時，竟說自己當初不知如何做警察，是觀看成龍、方中信的電影，才知如何當差，又大爆好憎譚詠麟。
出席這次「警星門」晚宴的，有總警司謝振中、高級警司江永祥、「光頭警長」劉澤基及退休警司朱經緯；名星足球代表就有譚詠麟、曾志偉、成龍、林國斌、歐陽震華、盧惠光、張智霖、梁競徽、方中信和衛志豪等。
區議會講嘢叻 全靠睇《開心字典》
第一段片中，有人舉機拍攝，即被林國斌、方中信叫不要拍攝，而帶醉意的鄧炳強，就多謝晨曦及明星足球隊與警隊踢波食飯。鄧炳強說：「好多謝警隊嘅兄弟，因為真係好撐我。」在旁響起譚詠麟的聲音，「香港靠你哋(警察)啦。」鄧炳強又說：「另外呢今日好興奮，見到好多偶像，由成龍大哥開始、到Alan、到志偉、到阿Ben(林國斌)，全部都係我偶像，我個心跳得好緊要，其實呢，點解我喺區議會講嘢咁叻，就係聽志偉嘅《開心字典》。」曾志偉即露出招牌笑容，譚詠麟笑言：「嘩！咁樣好危險。」
鄧炳強又講到如何學做警察：「我做警察係因為成龍大哥、方中信，全部都係學你哋，我唔知點做警察，睇下睇下就識做，唔知點解。另外，今日我真係好憎你(手指譚詠麟)，因為我老婆鍾意你，仲多過鍾意我。」譚詠麟忍不住叫：「呢個咁大罪名。」鄧炳強捉著譚詠麟的手說：「冇辦法喇！因為我都鍾意你，今日真係好多謝咁多位踢波嘅朋友，同埋演藝界嘅朋友，其實大家係老友，全部在心中，唔使講嘢，只要你哋俾個手指公我哋，我哋赴湯蹈火，在所不辭。」此時全場一齊向鄧炳強舉起手指公。
譚詠麟：患難見真情
第二段片段中，曾志偉、譚詠麟與鄧炳強唱起《朋友》一曲，已醉的成龍在旁大叫：「喂！過嚟啦！我哋唱《朋友》呀！」接著又用普通話講：「不管我們是哪一個階級，我們永遠都係朋友。」之後四人一起合唱，鄧炳強與曾志偉更用同一支咪且攬頭攬頸，譚詠麟接著說：「咩時候係見到真情，患難就見真情，音樂可唔可以大啲呀。」
影片開始時，林國斌、方中信呼籲在場人士勿拍照影相。
鄧炳強致詞說好憎譚詠麟，突然又用手捉著對方示愛意。
amJetso 送BIODERMA救星小紅瓶🩷護膚恩物 立即按此參加👇
