知名魔術師劉謙親證患肺腺癌 為春晚表演延遲做手術切除

現年48歲嘅台灣知名魔術師劉謙，早前曾傳出因創業受挫而引起憂鬱症狀。今年佢相隔5年再登上央視春晚，但因演出時意外穿幫，導致佢事後含淚話：「估計以後再也參加不了春晚了。」喺今日，有傳媒指佢喺春晚演出前檢查出肺部有陰影，但佢當時唔想影響演出，所以決定表演結束後先做手術。而日前媒體喺佢錄製台灣全新綜藝節目《我的成長》時問及其健康狀況，佢親口證實患上肺腺癌，並喺2月中做完手術。

表演結束後做手術

劉謙表示自己每年都會做健康檢查，而喺3、4年前接受健康檢查時發現肺部中間後面長了結節，而佢亦有定期覆診檢查狀況。去到今年春晚表演前，佢就去覆診並證實患上肺腺癌零期。醫生同佢講「預測遲早會變壞」，所以當時問佢做唔做手術，或等有變化先再處理，而劉謙就決定春晚表演結束後先做手術切除。目前嘅佢已經戒煙多年，只要需要定期覆診就可以。