周嘉洛指，活動後晚上要開工拍新劇。
周嘉洛出席昨日商場活動，他表示近日一劇接一劇，已有一段時間未有做商演，又自爆3日只瞓得3個鐘。問到現在榮升男主角，身價是否都有所提升，他笑說：「有錢搵已好好，我密食當三番，多勞多得，我知身價有升，但升得唔多，係合理價錢。」
提到他於《痞子殿下》好拍檔朱敏瀚，近日與女友余思霆分手，周嘉洛坦言朱敏瀚之前已在群組透露感情狀況，但自己因為忙拍劇沒留意，只在社交網看到兩人分手消息：「有發短訊慰問朱仔，我係唔稱職嘅朋友，不過朱仔應該係一個好堅強嘅男仔。」
對於朱敏瀚、余思霆分手，周嘉洛稱唔得閒理。
入App免費換走健康產品
