Micheal呼籲大家廣邀親朋戚友入戲院支持《破·地獄》。(娛樂組攝)
許冠文(Micheal)與衛詩雅(Michelle)昨日雙雙現身銅鑼灣，為《破·地獄》海報劇照展主持揭幕儀式，兩人有信心票房繼續攀升過憶。Micheal呼籲大家廣邀親朋戚友入戲院支持，他表示許冠傑(Sam)已看了很喜歡，尤其喜歡由林家謙包辦曲詞編監唱的主題曲《普渡眾生》，雖然跟Sam作品的曲風格大有分別，「佢話好啱佢諗法，或者將來佢都想唱首咿咿哦哦嘅南音，不過佢首《天才與白痴》都差唔多，呢個世上有乜仔乜仔都係。」
與林家謙同月同日生日：都係叻仔
問到可有機會促成兩人合作？Micheal笑言這建議也不錯，「家謙應該好開心，聽到阿Sam好鍾意佢首歌！」早前家謙在電影首映禮上，好沾沾地自爆與Micheal同月同日生，Micheal聞言即答道：「都係9月3號生日，都係叻仔嚟！」Michelle大嘆：「可惜我冇得9月3號生日！」
從未與發哥合作
日前周潤發完成機場三跑賽事後，表示已購票入場支持《破·地獄》，問到可想過兩人合作，Micheal即表示，「當然希望，發哥係我偶像，演戲最叻係佢，我冇乜機會同佢演過戲，佢演咩似咩，若有機會同佢演會好好玩。」
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
