Cherry呼籲大家入場支持《大樂師．為愛配樂》。
顏卓靈(Cherry)與金培達昨日到商台宣傳新歌《沒有人是孤島》，這首歌是電影《大樂師．為愛配樂》主題曲的廣東話版，由於該電影票房告急，原本正在大馬拍戲的Cherry，更專程請假回港謝票。
Cherry表示：「戲入面鄭中基有躁狂，首歌係講當你情緒低落時，可能覺得自己有錯，但係身邊會有人陪你同愛你。今次原本想自己填詞，但填咗兩星期都好唔滿意，如果要填可能要一年時間，所以就請咗金培達填詞。」Cherry續稱，新歌是對方為她度身訂造，希望可以直接帶訊息給聽眾。
提到電影票房，Cherry即緊張地呼籲大家入場支持，「第一個星期票房唔得呀，因為場次唔多，所以我直接同導演講要做啲嘢，我自己化妝整頭搭地鐵去謝票都得，大家都好有心，我唔想嘥咗台前幕後嘅心血。」Cherry更專程請假回港謝票，「依家爭取多番啲場次，之前係得一場，依家院商都俾我哋感動到，每日有5、6場。」她更笑言每日上網睇票房，好像看股票一樣。
Cherry表示，新歌由金培達為她度身訂造。
入App免費換走健康產品
