遭秋生調戲，師傅婆婆表示要「出棍」。
由黃秋生夥拍名廚好友張錦祥(Ricky Cheung)主持的ViuTV節目《究竟食咗乜》，明晚播出最後一集，兩人跟手造意粉師傅婆婆學整扁麵條，口花花的秋生竟叫師傅做「Bambina」(意大利文指小妹妹)，含情脈脈向婆婆放電，實行出盡力調戲，令婆婆不厭其煩，聲言誰再出聲就施以棍打，秋生聞言即如大細路般躲在Ricky背後驚呼「啊﹗搓得幾好喎﹗」。秋生笑言：「千祈唔好俾Bambina睇我套叉燒包(電影《人肉叉燒包》)，顛覆哂我個瀟灑形象」，豈料翻譯隨即轉告婆婆，嚇得她到婆婆大叫「oh mamma mia (我的天)」。
秋生含情脈脈向婆婆放電。
節目來到尾聲，二人嘗盡意大利美食，秋生笑言「肥到連鞋帶都綁唔到」，連自己都「頂唔順」，並指如果連續拍第二季，可能要退出娛樂圈，「我諗好快大家唔會再見到我，會係人世間消失。真係搞唔掂，減肥都要減半年。」
秋生笑言要消失半年減肥。
入App免費換走健康產品
