郭富城(城城)昨日為《第43屆香港國際電影節》拍攝宣傳照，談到其妻方媛(Moka)，之前肚凸凸現身活動，城城指，Moka再度有喜，之前因為未是適當時候，所以才不告訴大家。
城城指，很榮幸可以擔任大使，宣傳香港電影，最近他以電影《無雙》主演身份，出席首屆《海南島國際電影節》，並奪「年度男演員」獎，席上更與尊尼特普(Johnny Depp)交談，他說：「我好鍾意Johnny演技、態度，好開心佢同我講，希望將來可以合作。」城城又說笑：「我已經諗咗啦，《海盜王奇遇孫悟空》(是否連場大戰？)當然唔係，我哋好朋友嚟嘛。」
指懷孕辛苦衷心多謝Moka
一直被傳懷孕的Moka，之前城城絕口不提，但昨日承認太太再度有喜，城城說：「我考慮咗好耐，決定響今日呢個開心日子同大家講，我哋屋企明年要添一個新成員，好感謝我太太，懷孕係一件好辛苦嘅事，暫時仲未知道BB性別，不過無論係細佬或者妹妹，我哋都好開心。」
問到女兒知道後有甚麼反應，城城坦言：「囡囡見到媽咪個肚子一日一日咁大，會去錫媽咪個肚子，好可愛。」。
入App免費換走健康產品
