岑珈其與余香凝被指是美女配野獸。
由余香凝及岑珈其主演的《緣路山旮旯》上映以來，獲得不少好評。男主角岑珈其向來不是行偶像派路線，近日有專頁就電影寫下評語，批評男主角太樣衰，每次見到他出場都想「跳入個SCREEN打X佢，想坐時光機欺凌佢，欺凌到佢大個唔敢做演員。」事後有不少網民認為版主為了譁眾取寵而人身攻擊，替岑珈其不值。
岑珈其向來不是走型仔路線。
岑珈其︰影響到你唔好意思
岑珈其亦有留意到該專頁對他的評價，留言回覆︰「多謝你嘅分享，我嘅樣衰令你難受，影響到你唔好意思，但我真係真係好鍾意做演員，就算你坐時光機返去我以前細個欺凌我，我都會想做演員。樣衰我改唔到，但我會努力再做好啲演出，希望將來可以得到你嘅支持！」而版主就多謝岑珈其不介意其口臭，大方到他的專頁留言，並稱一直留意他的作品，讚珈其進步了不少。
有不少網民在珈其的回應下留言，大讚他演得很好，著他不要理會一些無理的負評，繼續好好演戲，為大家帶來好作品。
岑珈其回應。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
