移居泰國曼谷的羅敏莊表示非常害怕。
緬甸中部城市的曼德勒在今日（28日）當地時間的下午1時20分，發生黎克特制7.7級的強烈地震，中國地震台網指地震為7.9級，震源深度30公里。在12分鐘後，當地再發生一次6.4級的地震。緬甸軍政府宣布，震央附近的曼德勒及首都內比都一帶地區進入緊急狀態，而鄰國的泰國亦宣布曼谷進入緊急狀態。曼谷一幢建築中的大樓倒塌，至少1死50人傷，當局未知多少人失蹤。
身在曼谷的羅敏莊拍片表示︰「曼谷地震呀，我好驚呀，成間屋震晒，驚到爆呀，我而家隻手仲震緊呀，其實都唔知會唔會死呀，我而家拍定條片，擺喺度唔係講笑。」她跑出大街，口震震講：「好驚呀，而家啲人走晒出街，從來冇聽過泰國或者曼谷有地震。」
近年羅敏莊、陳國邦及囡囡陳禛移居泰國，如有工作才會回港。陳國邦昨日為宣傳《三命》返港，昨晚才出席完宣傳活動，估計地震時陳國邦仍未返曼谷，只得羅敏莊及囡囡一齊逃走。
陳國邦現身在香港，並為《三命》做宣傳。
限時早鳥優惠 火速訂位 | am730母親節溫馨晚宴 $5000福袋等你拎!
