肥姐逝世 14周年，欣宜發長文懷緬母親嚴厲的教導。
今天（19日）是「肥姐」沈殿霞逝世14年的忌日，愛女鄭欣宜（Joyce）在社交網上載小時候被母親攬實的合照，並發長文寫下自己小時候頑皮時，肥姐嚴厲的教導：「當我嘈喧巴閉、跑來跑去、坐唔定嘅時候佢只會大聲喝我一聲『鄭欣宜』再加多一個嚴厲眼神我就會靜止下來（其實通常唔使講任何野，掘我一眼就夠）。但當我最跩最跩例如蝦婆婆或者突然變Moody黑起塊面冇禮貌唔睬人或者講大話時⋯⋯佢真係會兜巴星我。然後佢就會叫我跪喺地下掹住耳仔。最搞笑係，俾佢打完，我梗係會喊啦～佢就會叫我『唔準喊！』。」
欣宜表示會反思為什麼自己會被罵？但當她想通感到內疚時，肥姐一定會叫她「過嚟，錫返」，又會攬住她，好聲好氣解釋她做錯甚麼。
欣宜續指媽咪已經離開了14年，今年已35歲的她，坦言希望自己也能找到一個同樣對她不離不棄的人︰「無論我有多壞，無論我令佢多失望，到最終佢都會叫我『過嚟』然後錫番我。如果我搵到一個...同樣對我不離不棄...當我嘈喧巴閉、跑來跑去、坐唔定嘅時候...當我唔覺意發洩我嘅脾氣喺別人身上、突然變Moody黑起塊面冇禮貌唔睬人（yes, i still do this often）、當我唔知點處理問題然而瞞騙世界進入報喜不報憂的狀態嘅時候...都能接受我嘅好與壞，在任何情況的最終都會叫我『過嚟，錫番』嘅人...就好囉。我仍會等。」不少圈中好友包括胡杏兒、蘇永康、JW等都紛紛留言表示「一定會遇到」。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
