肥媽入院急做通波仔手術。
肥媽今日在社交平台上載一段影片，留言寫道︰「要同大家講聲唔好意思，因為身體有啲唔舒服，陣間都要做手術，所以嚟緊呢兩星期的Live 都要暫停，等我休息下，謝謝大家。」影片見到她身在醫院，並躺在床上戴上黑超，表示下午要做通波仔術。
肥媽表示自己早前感到心肌痛兼血壓高，及後需要入院通波仔。
影片中的肥媽依然聲音響亮，她說︰「有一日心肌痛，痛得好緊要，然後出晒汗，暈啊，再度血壓好高，氧氣好低，所以入嚟。大家唔使擔心，我拍條片話俾大家知呢兩個星期嘅facebook、YouTube、WeChat唔得閒做，我好番先，做完手術休息下先再同大家做。」不少圈中好友留言為她打氣。
肥媽於上周四仍如常在facebook做直播教煮餸，而昨日更上載一段與愛犬互動的影片。
《中年好聲音》兩季學員先後留言為肥媽打氣。
