肥媽自稱獲黃家駒作曲感到榮幸，但家強今日即出PO直斥都是謊言！
肥媽喺節目度話「呢個故仔（家駒寫歌畀佢）都聽過好多年架啦，都有十幾廿年前架啦」，又提到家駒胞弟黃家強有日打電話搵佢，講到家駒生前原來寫過一首從未發布嘅歌畀肥媽。肥媽話因為冇時間，錄音前兩日先聽過一次，錄嗰陣一直都諗起Beyond同家駒，仲同家駒「講」『你幫幫我』。結果肥媽聽咗兩次就完成錄音，令佢覺得家駒真係有「幫手」。肥媽又話冇諗過家駒寫歌畀佢，令佢覺得好榮幸。
不過今日黃家強就喺facebook出post分享有關報導，劈頭就話「關於我的都是謊言」。家強又寫道「我哥哥雖然走了，我還活生生的，怎麼可以這樣不尊重人，無論是什麼途徑得到這首歌，誠實說出原因未必不能”感動”人」。家強又喺留言回覆話「喺呢個風雨飄搖嘅時代，我希望做人可以無愧於心」。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
原文刊登於 Yahoo 娛樂圈
🎁 amJetso請你睇《焚城》，快Ｄ開APP玩👇 👇
