胡杏兒曾公開表示老公想追多個女。
現年44歲的視后胡杏兒自2015年與圈外丈夫李乘德（Philip）結婚後， 先後誕下三名兒子，一家五口相當幸福，而杏兒曾公開表示老公和奶奶都好鍾意女仔，不過因擔心四胎是兒子，所以要睇情況。日前，杏兒在社交平台分享近照，卻惹來懷第4胎疑雲。
杏兒貼出一輯靚相，並表示：「Back to work」，相中見她將手放在腹部，並擺出心心手勢，露出一臉幸福的笑容，令網友都以為「又有咗？」就連不少圈中好友亦有同感，胡定欣表示：「嘩！我以為你宣布又有咗」，杏兒則笑回：「我SHOW啲靚珠寶啫，真係咁好生養咩，點都到你啦姊妹。」楊茜堯留言謂：「我都錯覺以為係，靚媽」，而王君馨亦表示：「I thought the same .. heart on pelvis on the first photo」。
胡杏兒將手放在腹部，並擺出心心手勢，惹陀第四胎疑雲。
不少圈中好友亦以為杏兒宣布再度懷孕。
amJetso 送BIODERMA救星小紅瓶🩷護膚恩物 立即按此參加👇
