張致恒現與太太雯雯育有三名兒子。
張致恒與太太區燕雯的關係時好時壞，一時嗌離婚，一時又出po維護老公。今日雯雯就在IG貼出與張致恒的舊照，並稱是「十幾年前我仲係你fans嘅合照」，當時張致恒的身形與現時大不同。
雯雯大晒昔日與張致恒的合照。
透露張致恒有工開
雯雯借照片大談與對方這3年的婚姻，表示「有開心、有傷心、有失望，亦有想過放棄。」但眼見老公由一個大細路一步步成顧家男人，認為只要老公堅持做好自己便沒有人會放棄他。她在長文中透露張致恒在食肆工作︰「願意日日30幾度企喺廚房，走來走去，甚至洗碗洗廁所做清潔，執貨搬搬抬抬搬運，一概都唔介意。每日放工返到屋企，依然繼續照顧小朋友、做家務，每晚氹個仔氹到5:00瞓覺，第二日八點起身返工，都依然每日堅持繼續。」
支持張致恒做歌手
雯雯稱張致恒仍很愛唱歌，「我相信總有一日，一定會再有機會表演俾屋企四個粉絲睇。」似是回應張致恒在大陸出席商演時，唱《死性不改》走晒音的報道。她隔空向老公打氣說︰「只要你堅持唔放棄，冇人會放棄你。你唔需要人去睇好你，人哋要睇死你，你繼續堅持做好你自己就足夠。」
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
