《視點31》播出長約5分鐘的辯論片段，內容點到即止。
港台節目《視點31》於今晚播出盧覓雪及撐警「玻璃朱」朱庭萱就「娛樂為甚麼」作出討論。由於該環節放棄以往直播模式，改為錄播，二人的內容經剪輯後可說是點到即止。
主持人就討論的問題作出簡述，之後玻璃朱搶先發言叫盧覓雪講先，雪雪認為娛樂節目有社會責任是多餘，如提供到娛樂吸引觀眾追看便已達到目的，若一定要政治正確、表態式，對某些事要歌功頌德便會適得其反。玻璃朱表示認同，但認為節目不能沒有底線及道德，並以她曾在youTube看過的影片作例子，指片段有小朋友以踢倒人為目的，有教壞其他人之嫌，認為節目必須要負上社會責任及有底線。雪雪認為按現時發牌機制已設下很多底線，若然電視台不跟足便會有嚴重後果。她提到以前看《歡樂今宵》時，指主持人在個別環節上會作出口頭警告，甚至有些節目會在較夜時間播放，認為「做晒體檢都唔得，就太過苛刻」。
不少網民期待玻璃朱現真身，從片段所見，她非常著緊眼妝，有點重手。
其後主持人問到有沒有覺得觀眾把藝人定型，即是黃藍之分，玻璃朱說︰「我覺得幾有扣顏色帽子，自反修例開始好多人認為TVB係藍，ViuTV係黃，(你覺唔覺？)我覺，佢哋認為TVB係親中，ViuTV就係屬於香港人。就算TVB藝人冇表態，只係想做好份工，就話『你係TVB不了』，好多人都鬧呀鬧。聽TVB廣告部同事講，好多客戶都唔敢番轉頭，有顏色打壓。」盧覓雪接著說︰「其實另一邊都係一樣，黃都受到打壓。你問我，我覺得任何一個電視媒體都係中立，除了大公、文匯。唔知點解節目有人會扣帽子，點解TVB會被人話藍？因為嗰面比較多人行出嚟，好似你啲TVB朋友都係撐警，撐警又點會黃？單憑綜藝節目好難分黃、藍，而係加上新聞部點樣處理、高層言論，自然令人有黃同藍之分。」
大家比較想知足本版是否會如期播出。
就到藝人表態議題上，玻璃朱認為藝人不應表態，至於為何她會公開表態，以「藝人」身份的她指自己正職是從事股票行業，並不是長期在娛樂圈搵食，加上當時的環境，撐警及所謂藍的較小，「如果我都唔出嚟撐，覺得佢哋好可憐」因此選擇表態。
之後節目尾段以玻璃朱就新聞取向的言論作結，她稱TVB新聞會影警察和「暴徒」，兩邊也報道，卻被投訴放大他們的樣貌；反指Now或其他電視台「每次暴徒做衰嘢，就避開唔影，係咪縱容暴徒？」雪雪未有發言，最後主持人只簡單一句作結，予人感覺「趕住收工」。
盧覓雪在IG貼上合照︰「半個鐘話長話唔長，話短唔短，但講過啲咩、有冇咩火花呢啲，我真係好難三言兩語同你講清楚，所以留返你自己睇啦！」
🎁 amJetso請你睇《焚城》，快Ｄ開APP玩👇 👇
