芯駖新歌《讓思憶症發作》MV，獲出道前已認識的Stanley伴舞力「撐」。
COLLAR成員Sumling李芯駖日前在《MATCHICAL LIVE 2024》率先首唱全新個人單曲《讓思憶症發作》，並與MIRROR成員邱士縉(Stanley)合唱《我也難過的》，台上的揪心演繹，觸動不少觀眾。昨日(8日)《讓思憶症發作》MV上架，作為第二首單曲，新歌曲風與《SPYLING》截然不同，旋律輕慢，且帶有詩意，以回憶為題，道出一段看不見的關係，今次MV芯駖更找來入行前的跳舞伙伴Stanley邱士縉客串，其實兩人兩人大跳雙人舞展現默契，向來事事認真的Stanley非常落力，瞓地又要「舉」起芯駖，難怪芯駖感激表示：「同佢合作，有非常安心感覺。」
挽不回的遺憾
歌曲《讓思憶症發作》製作團隊陣容鼎盛，歌曲由謝芊彤所寫、林若寧填詞、Jason Choi蔡德才監製及編曲、麥曦茵執導MV，內容講述一段看不見的關係，芯駖說：「今次題材喺入行冇耐已經諗到，事緣有次㩒手機，見到往年嘅今日，睇番以前同朋友嘅一段回憶，但因為某啲事情，已不能再成為朋友，但其實我哋曾經一齊旅行，我有危難時，佢亦幫忙我好多。人生總有啲關係好似看不見，但永遠都有聯繫，所以今次首歌係講一啲睇唔到嘅關係，而呢啲關係係影響深遠。」芯駖續說，今次歌曲無論在錄音或MV拍攝時，感覺都非常揪心：「因為諗番好多回憶，仲諗番好多好多挽回唔到嘅關係，有一種遺憾同可惜喺入面。
Stanley完美配合好男友形象
提到MV的難忘部分，芯駖指絕對是跟Stanley的重頭戲——雙人舞蹈，她指：「今次首歌講看不見嘅關係，呢段關係可能係前度，有啲前度可能係鬧交收場，但亦有好sweet嘅畫面，而今次搵Stanley嘅原因，因為佢好配合個角色，佢就係一個好男友嘅image。」
Stanley：要還人情
為了MV的舞蹈拍攝，Stanley與芯駖事前排練一整天，芯駖表示：「多謝佢抽空，佢出盡全力，喺今次舞蹈，佢有舉起我嘅動作，就算舉起我好多次，佢都義不容辭，好多謝佢。我同Stanley好耐之前合作過，默契上大家都知點，佢係一個好認真嘅人，對所有嘢都要求做到最好，亦會出盡全力，同佢合作有非常安心感覺。」Stanley就指芯駖欠她一個人情，笑言將來有幸出歌，題材又適合的話，一定搵對方「償還」，他還說：「我估芯駖搵我係因為之前我哋有合作過，入行前一齊走tour，雙人舞合作過，所以比較熟悉對方，不過MV上嘅合作，今次係第一次。」
amJetso 送BIODERMA救星小紅瓶🩷護膚恩物 立即按此參加👇
