莊思敏、Cara G.及Ana R.等，昨日出席商場賀年活動，莊思敏台上搞笑表示，豬年願望想像豬一樣不用做，有人肯包食、包瞓及「包養」她，但不要再私訊問她飯局價。
莊思敏豬年想像豬一樣，唔使做只食共瞓。
一身性感打扮的莊思敏，無懼寒流，身材纖瘦的她說：「最近瘦咗5磅，我冇刻意減肥，只係蒲得多蒲到瘦。」莊思敏新年回馬來西亞過年，會封4位數利是給父母，順道出席母親安排的「相睇」。談到豬年願望，她續說：「今年豬年要應節，最好食得、瞓得，又有人養，不過唔好私訊我問價，我唔係要嗰種包養，嗰啲唔適合我，我慣咗自己瞓。」
Ana R. 收爐不再追B
問Ana R.在港如何度過農曆新年，她說：「籌備在家舉行BBQ派對慶祝新年，我自己也會煮中菜，子女會和我一起包餃子，以及裝飾屋企。」問到會否追生豬BB，Ana R.說：「不會了！我已經收爐，不會再生BB！」她亦認同Cara要養3個小朋友不易，最難是分配時間。
懷孕近6個月的Cara G.，希望腹中「豬B」健康出世，新年計劃一家人到沙灘露營。
入App免費換走健康產品
