劉德華(華仔)、古天樂(古仔)、苗僑偉(三哥)等，前日出席電影《掃毒2天地對決》的首映禮，電影雖然短短上映了幾天，但在內地票房已突破10億，問身兼電影監製的華仔，為何今次電影主題曲不找三哥合唱，只找古仔，三哥即時醋意大發回答：「有佢兩個唱就夠啦。」
《掃毒2》內地票房10億，開拍第三集指日可待，問華仔何時開鏡，他說：「係呀，老闆有呢個要求，不過我哋有好多其他工作，再睇睇個劇本發展成點先。」談到其近年監製的電影都落重本，繼《拆彈專家2》的1:1紅隧出入口實境後，今次更搭了一個中環地鐵站出來，華仔續說：「主要睇預算啦，錢方面同老闆傾好就可以，辛苦就拍咩都辛苦。」
三哥指，華仔向古仔執行家法那場戲，用的是真刀；古仔說，因為對手是華仔，所以十分放心。
古仔被爆歌詞標記呼吸位
《掃毒2》主題曲《兄弟不懷疑》華仔與古仔世紀大合唱，之前華仔指古仔拍戲時好調皮，問他唱歌時會否較好，華仔說：「唱歌方面仲調皮啲。」談到他之前說古仔會在歌詞上標記出呼吸位，甚覺有趣，古仔說：「你咁都講出嚟？唔係咁樣做嘅咩，我真係知道喎。」華仔指，見到古仔的歌詞紙時甚為感動，因為做好功課才入錄音室，古仔續說：「我唔識嘛，唔識咪要記低。」問三哥為何不一起唱，他說：「有佢兩個唱就夠啦，我仲唱嚟做咩。」古仔說：「哦，咁樣你就唔唱，下次你唱晒佢。」三哥：「我唔識唱，古仔又冇教我點標記啲呼吸位。」古仔：「下次我幫你標。」
入App免費換走健康產品
