葉蒨文當了馬會員工2小時。
今日沙田馬場舉行《浪琴香港國際賽事》，馬會邀請了韓國巨星Rain擔任揭幕嘉賓。無綫小花葉蒨文亦有入場一碰運氣兼食自助餐，但期間不幸被侍應兜頭淋，令她一身白色的衣服變成全藍色，場面十分狼狽。最後馬會立即安排她穿上員工制服，並為她清洗衣物。葉蒨文亦因此變成馬會臨時員工，十分搞笑。
葉蒨文留言說︰「睇完Rain Oppa演出，就滿心歡喜上去食自助餐。坐低唔夠5分鐘，有一個侍應手攞着一盤藍色嘅飲品喺我後面不小心由頭淋落腰，着咗全身米白色嘅我變咗一個藍色人。跟住馬會馬上安排我除套衫落嚟幫我洗乾淨套衫，於是我就着住佢哋嘅員工制服2小時。」
葉蒨文亦始乎很享受這2小時的時光，她說︰「我周圍見到朋友都話我今日係馬會一日嘅員工，我已經加入咗馬會呢個大家庭。佢哋員工同我傾偈，我仲話︰『我第一日返工我唔傾偈啦，冇咩吩咐我出返去做嘢先！』」
葉蒨文換上馬會員工制服，等待自己的衣服洗好。
不過，葉蒨文就似乎有少許因禍得福，她說︰「啲朋友話水為財，一開始兜頭淋要即刻買吓馬，於是我望一望個電視機見到隻7號行出嚟，我乜都冇理我第二場就買咗7號，點知真係跑第一！雖然只係買少少玩吓，唔係贏好多，但係我覺得行咗個好運心情特別好！」
她亦沒有特別責怪該名侍應，在hashtag打上「#感謝經理Ben和各位嘅幫忙 #淋到嗰一下慘叫咗一聲#希望個位同事冇俾我嚇親#謝謝你幫我贏咗馬#有趣的一天」
立即更新/下載AM730手機APP 體驗升級功能
