草蜢三子和經理人林珊珊一起錄製賀年網上節目，並和公司同事一起團年，適逢今日是蔡一傑的農曆生日，眾人送上生日蛋糕。
他們大談牛年計劃及兒時渡歲回憶，傑少更開玩笑說若請蔡一智、蘇志威到《傑少煮意》做嘉賓的話，會預備草蜢湯、草蜢蒸蛋招呼他們。他說：「其實我哋三個都好為食，坐埋一齊講食一定好多嘢講，我哋今年可以大展拳腳，首先《傑少煮意》 可以搵一集草蜢做嘉賓，除咗我哋三個真人之外，我哋重可以食草蜢，我預備定啲草蜢湯、草蜢蒸蛋 ... 俾大家歎。」蔡一智亦進一步說：「咁更進一步不如做一個頻道，講吓我哋遇過食過嘅嘢啦。」傑少回應説：「個名我都馬上諗到，好直接就叫草蜢頻道，因為呢個名喺過去咁多年帶俾我哋咁多榮譽，大家一見到就會諗起我哋。」
過新年大家都會習慣穿新衣，說到新衣，蔡一智也不禁想起兒時父母為他和傑少兩兄弟打造的過年造型，他說：「細個唔係成日買新衫，但父母過年前都會整一啲兄弟套裝俾我哋兩個，大家一樣色一樣款唔使爭，我最記得細個有一年果套啡色牛仔裝。」身旁的傑少也和應説：「呢套真係一世都記得，啡色嘅牛仔衫套裝真係好少見。」
amJetso 送BIODERMA救星小紅瓶🩷護膚恩物 立即按此參加👇
