曹永廉、田蕊妮、何廣沛和姜大衛等，昨日為主演的劇集《超時空男臣》出席派雪糕活動，曹永廉和何廣沛更舔同一杯雪糕，一解暑氣，但姜大衛卻不小心仆倒擦傷。
對於好友兼拍檔蕭正楠被傳與女友黃翠如外遊結婚，曹永廉坦言不知道，「只知佢哋兩個好早已經請假，我噚日都有問過蕭正楠應該點答，佢叫我講『唔知道』！」曹永廉又稱有反問對方，若回答不知也沒人相信。曹永廉曾說過會當伴郎，現在正忙於拍劇，當被追問是否擺酒時才當伴郎，他再稱：「真係唔知道，可能後生仔女一時衝動去註冊，註冊當然有原因，就如當年我老婆懷孕後，我哋先去註冊。(黃翠如懷孕？)我無咁講，只係知佢兩個係去休息。」
笑稱生完小孩才回來
已為人妻的田蕊妮對此就表示：「結婚係開心事，有問過蕭正楠幾時結婚，一紙婚書，簽個字好快，不過佢講笑話生完仔先返嚟。」田蕊妮坦言，覺得現代人生完小孩再結婚都沒問題。另外，談及陳煒認已經離婚5年，田蕊妮指：「緣份啲嘢好難講，可以做到夫妻係高深學問同人生大難題。」
限時早鳥優惠 火速訂位 | am730母親節溫馨晚宴 $5000福袋等你拎!
