蕭正楠擁有新的身份後，第一個代言廣告在日前進行拍攝。
蕭正楠(Edwin)成為爸爸之後，除了努力照顧老婆黃翠如及囝囝之外，亦努力搵錢。日前他應邀成為中藥油品牌代言人，並稱今次的廣告收入全部用作囝囝的教育基金。他說︰「我幫仔仔打工㗎！希望佢有最好嘅事物，同埋我同太太最大期望係仔仔開心。」
蕭正楠在全新電視廣告片中一展歌喉。
同一個姿勢維持太耐
作為新手爸爸後的Edwin接拍第一個廣告，大方透露近況：「當初我以為BB會好輕，但係最近翠如話我知我背脊厚咗，可能係呢幾個星期餵奶、抱BB，有時候同一個姿勢維持太耐，不知不覺身體唔同部位都會酸痛，呢個係我最近嘅一個體會，湊BB真係會周身酸痛。相信之後BB越嚟越重，痛症會更加明顯。」湊巧在拍攝廣告的前一天，Edwin與媽媽見面，談及將會拍攝中藥油的廣告，Edwin媽媽表示知道這個品牌也有使用過，令他對產品更有信心。
蕭正楠透露演員之間會互相交流一些好用產品，他有時會做好多武打戲，有傷患是必然的，自己都會將產品介紹予身邊人用。
每日會花30分鐘做運動
Edwin透露要在工作和家庭中取得平衡，個人健康是非常重要，所以每日會花30分鐘做運動，特別着重拉背肌的動作，避免因為抱嬰兒而寒背。被問到拍劇和照顧小朋友哪樣比較疲累時，Edwin稱兩樣花費的體力是不同，對着小朋友更加是打醒百份之二百的精神，就算小朋友一個細微的動作，例如打思噎、大聲哭、吐奶，便會感到很緊張，有時還會自責自己做得不夠好，心情起伏很大。Edwin不只是二十四孝爸爸，更是二十四孝老公，當太太身體有痛症的時候，他負責幫太太推藥油。
蕭正楠稱自己餵奶、抱BB時，維持同一個姿勢太耐，不知不覺身體不同部位都會酸痛。
好多嘢易上手
對於未來的工作計劃會否因為囝囝而有所改變，Edwin表示：「很感恩，呢段時間能夠二十四小時全天候陪伴太太和兒子，好多嘢都好易上手，盡量我負責晒所有粗重功夫。」未來希望可以分配好工作和家庭的時間，而且對自己的體能要求比較高，希望有足夠體能，將來同小朋友一齊玩樂。
限時早鳥優惠 火速訂位 | am730母親節溫馨晚宴 $5000福袋等你拎!
