龍心到馬場見到家燕姐，於是一齊拍片同大家拜年。
薛家燕今早穿到紅噹噹到馬場與修哥胡楓出席活動。家燕姐笑言為了配合修哥的財神造型，於是自己要像利是封，並大唱《我一見你就笑》，二人更合體繞場跟馬迷拜年。
同場還有吳業坤、周吉佩，二人在台上合唱《財神到》。此外，《中年好聲音2》的安雅希、顏米羔及劉可亦擔任表演嘉賓。
家燕姐修哥等出席馬場花絮︰
現時又名剋龍的龍心今日亦有到馬場，更巧遇家燕姐。他立即跟家燕姐拍片同大家拜年，二人互相講祝賀說話，之後龍心說︰「有冇同我細佬謝霆鋒打招呼呀？」家燕姐諗都冇諗︰「吓？啊！原來係你細佬！哈哈哈哈哈哈！恭喜！恭喜！」龍心再謂︰「好耐無見過你，我由細個睇你啲片睇到大！」家燕姐亦秒回︰「我都係睇住你大！哈哈哈哈哈哈！」不少網民大讚家燕姐轉數超快，「家燕媽媽果然出開大場面，腦筋急轉彎快到不得了！」
龍心問家燕姐有沒有跟他的細佬謝霆鋒打招呼，家燕姐秒回。
家燕姐表示睇住龍心大，妙問妙答。
家燕姐轉數超快！
入App免費換走健康產品
