(左起)胡定欣、黎耀祥、薛家燕、馬德鐘及陳展鵬。
薛家燕、胡定欣、黎耀祥、陳展鵬及馬德鐘日前到馬來西亞雲頂登台，眾人悉心打扮在台上載歌載舞。不過，期間家燕姐行樓梯走到舞台時，疑叉錯腳令她險滾落樓梯，情況相當驚險。
昨日有網民在社交平台發布事發影片，見到一身桃紅色打扮的家燕姐升上舞台之後，用手捉住陳展鵬的手開始走落樓梯，而在旁的馬德鐘亦用另一隻手扶住家燕姐。
不過，當家燕姐走到第二級時，疑叉錯腳，整個人開始向前仆，馬德鐘立即G4上身用雙手捉實她的前臂，展鵬亦用力挽實她的手臂，成功令家燕姐企穩未致意外發生。馬德鐘與展鵬之後全程旁實，而家燕姐亦很快回神過來，接回拍子繼續唱，非常專業。
家燕姐在展鵬及馬德鐘旁住下，沒有受傷走到主舞台繼續表演。
🎁 amJetso請你睇《焚城》，快Ｄ開APP玩👇 👇
