由林峯、周秀娜、黃浩然主演的網劇《黑金風暴》正在熱播中，歌手許靖韻以演員身份驚喜亮相，於劇中飾演李燦森老婆徐咏詩一角。
雖然許靖韻之前也有過拍戲經驗，但拍劇卻是首次，她表示拍劇跟拍電影的分別，拍劇節奏較快，對白也相對地多。至於角色方面，「做人老婆」亦是第一次，她說：「拍之前好緊張，因為我知係做劇入面李燦森嘅老婆，拍之前我有睇呢個劇嘅演員，都係非常資深，所以同咁多前輩合作係非常緊張。李燦森亦非常之好，一路同我傾偈、對劇本、對戲，令我成個感覺都放鬆咗好多。」
許靖韻獲李燦森教路，令她壓力減少。
至於蝦碌事，許靖韻謂其中一日到達拍攝現場被告知要拍攝「床戲」，「有一幕見到工作人員將間睡房set得好好，之後佢哋就同我講：『吖！陣間有床戲。』我就：『吓！唔？！』但係最後唔係真係床戲，係大家背對住背瞓覺，係冇身體接觸嘅床戲囉，哈哈。」
🎁 amJetso請你睇《焚城》，快Ｄ開APP玩👇 👇
