一名持鎅刀的賊人夜劫食肆，反遭店員擸刀嚇退兼蝕錢。(網片截圖)
早前一名持鎅刀的賊人，深夜行劫葵涌德大徑一間食肆，當時店員十分冷靜，到廚房拿菜刀反追賊人，並說︰「X你個老母，打劫？」事後店員受訪時說︰「你打劫就企我近啲，拎把好啲嘅刀，問題係，你連打劫都無誠意，咁我咪㷫囉！」他坦言會代對方求情，「呢個時勢，唔去到絕境都唔會打劫嗰一千幾百，依家好多小市民都係喺痛苦中度過。」
游學修、朱栢謙重演當日經過。
借店舖重演事發經過
由於店員的受訪內容非常精警，隨即成為網上紅人。試當真找來游學修和朱栢謙神還原整件事，游扮演鎅刀賊，而朱栢謙則扮演店員。他們按照店員提供當日的經過，在案發的店舖重演一次，並加插閉路電視鏡頭。
現實中，店員持刀追了兩、三條街攔截賊人不果，而試當真就改為朱栢謙成功追截游學修。二人的對話圍繞住疫情下苦況，對白亦不乏金句︰「你有冇申請消費券？」、「你拎把鎅刀出嚟打劫，你話我㷫唔㷫？」、「你以為戴個口罩就得，有人面識別㗎！」、「頭髮亂到死！(游︰都無開！)」、「你唔好睇小人嘅同理心，個個都明白你」、「喺呢啲時候，原諒得到人就要原諒。」令人睇得又笑又喊。
朱栢謙與游學修扮演店員與鎅刀賊。
立即更新/下載AM730手機APP 體驗升級功能
