任賢齊指，自己的戲份還有很多未拍，之前只是準備，但他自嘲青春有限，不可以再為一套戲苦等數年。
任賢齊、謝安琪、馬榮成等，昨日席《博愛單車百萬行2019發布會》，談到HMV清盤，任賢齊、謝安琪二人都說感到欷歔；對於鈕承澤(豆導)捲入傳性侵一事，任賢齊稱有找過豆導，但對方沒有回覆，問到豆導為人，他說不方便評論對方，只說有鼓勵他。
任賢齊早前為新戲增了近50磅，如今已減一半有多，他承認，因鈕承澤捲入性侵一案，其執導的電影《跑馬》被迫停拍，不知何時才能再開工，他說：「有傳短訊俾豆導，佢冇回覆。」問他是否認識受害女工作人員，他表示：「自己唔知件事經過，亦都唔認識佢，依家應該保護佢，唔應該再講啲咩！」問到豆導的為人，他謂：「唔回應佢嘅事，我只可以講，我有鼓勵佢勇敢面對，朋友間關心係要表達。」
蕭定一唔掂 唔知張繼聰有冇受影響
提到HMV清盤，任賢齊慨嘆道：「我啲童年記憶冇晒，自己送CD俾人，人哋話冇CD機。」任賢齊又稱，「時代轉變啦，自己都差啲被淘汰。」謝安琪則表示，昨天才知道HMV清盤，她說：「雖然啱啱出咗新碟，覺得一間咁有規模嘅唱片店都結業，自己少咗一個地方去搵心頭好，多於自己出碟受影響。」謝安琪又稱：「唱片業不景氣，已經係好耐嘅事，大家都好努力搵方法救市。」對於其夫張繼聰仍是蕭定一旗下藝人，她續說：「老公簽嘅係電影合約，有冇影響要問佢本人先知。」
問謝安琪會否轉到網上售歌，她說始終出碟有相、有文案，網上下載少了很多東西欣賞。
入App免費換走健康產品
