謝霆鋒近年專注於其美食品牌「鋒味」及拍電影。
現年44歲的謝霆鋒近年專注於其美食品牌「鋒味」及拍電影，在內地撈得風生水起的他，在音樂上一直較少露面，只偶爾客串好友的音樂會，而對上一次正式的演唱會已經是20年前。霆鋒日前在澳門舉行「美獅鋒味搖滾美食節」時，就漏口表示「我申請緊架啦」，說話一出引起粉絲哄動。
霆鋒在澳門「美獅鋒味搖滾美食節」一連唱出7首歌曲，現場粉絲意猶未盡，紛紛大叫：「演唱會！演唱會！」，霆鋒卻脫掉一邊耳機，並漏口風笑說：「其實唔係我...應該點講呢？我申請緊架啦！」，此話一出，即惹起全場粉絲尖叫；網民都紛紛留言表示等到頸都長，更謂：「幾多錢都睇」、「再唔開演唱會我要湊孫了」。 其實霆鋒近年都屢傳會開演唱會，早前有指霆鋒打算以香港作起點，之後再到內地多個城市巡演，他更曾透露有意在戶外演出，粉絲都估計演唱會有機會在啟德新場地舉行，並非常期待官方宣布消息。
入App拎12大商場蛇年利是封
