肥媽(Maria Cordero)和陸浩明(六號)主持的新一輯飲食節目《食好D食平D》，昨日舉行拜神儀式。節目拍至第7輯，今次的買餸錢增至500元，肥媽指，會用比較貴價的食材，可以煮龍蝦、鮑魚和花膠等，六號更笑說終於有錢儲起。
前幾輯觀眾已看過平價及簡單菜式，肥媽表示今輯會教大家在家炮製名貴菜式，「等啲師奶有多啲玩意，之前幾輯最多都係用50蚊煮一餐，今次有500蚊煮四餸一湯，可能以前太平，而家要諗點用呢500蚊都好辛苦，因為用唔完！」
六號食到嘴刁
肥媽又大爆六號現在變得很嘴刁，六號隨即被記者取笑食好多好嘢，但與女友卻未有「成績」，肥媽亦忍不住加把口：「佢唔結婚又唔生仔！」六號就笑著回應指：「我會儲喺腎裡面，然後一擊即中，時下好多人都生咗先結婚。」
入App免費換走健康產品
