趙學而與陳逸璇前晚為ViuTV音樂節目《Chill Club》擔任嘉賓，趙學而表示，自上次開完演唱會後，差不多一年沒有公開唱歌，近日有意多些獻唱，是因為覺得社會氣氛惡劣，希望多唱歌令香港人開懷。陳逸璇就大談擇偶條件，品味完全本土派。
趙學而坦言很想再開個唱，她說：「有意響較細場地舉行，可以同樂迷近距離互動，唔係唔想出嚟，最近社會氣氛唔好，自己想帶多啲歡樂俾觀眾。之前有好多聽眾透過電台，話想聽我唱歌，而家音樂節目都少，真係幾難聽到。」對於好友阮兆祥於旺角開騷，她透露：「連日嚟都要開工捧唔到佢場，不過知祥仔好勤力練歌，所以內心非常支持佢。」
趙學而有跟老師上堂練聲，又會在廁所練歌。
人緣好有人追
陳逸璇稱，節目有湯寶如、彭家麗、趙學而等前輩，她笑稱：「自己係2004年出道，只係早出道啫。」近日忙於宣傳新歌《良品》的陳逸璇，指歌曲與早前推出的另一首歌有故事連貫，談女性分手後的情緒起伏，問她離婚後可有將自己變得更好，陳逸璇說：「都變得幾好，(有冇人追？)我一向朋友緣幾好，都有人追，不過要由朋友開始，我受過傷害，要睇定啲，再揀對象都一定揀香港人，唔想離開香港。」
陳逸璇指，平時出席活動，不少新人都對她說「聽她的歌大」，這次自己終於可以做回後輩。
入App免費換走健康產品
