鄭融與樂隊Dear Jane成員翁厚樑(Howie)及填詞人林寶，昨日到電台宣傳新歌《死不了的》。首歌主要講女生不應「為仔生，為仔死」，鄭融亦自言不會，因為家人從細到大都教她要愛錫自己。
鄭融又表示今次嘗試唱得比較Rock，「唱呢首好Tough嘅歌，證明女仔唔一定係弱者！」歌名直接，還會於農曆年推出，鄭融最初都有點擔心歌迷會較難接受，「雖然歌名有『死』字，但百無禁忌，而且唔轉彎抹角係我嘅風格，所以最後都用呢個歌名，加上歌詞又正面。」
凍到要開暖爐錄音
她透露早前去上海錄音時，因為當地天氣十分寒冷，要開著暖爐錄音，「不過，因暖爐發出啲聲好大，唱歌時要熄，唱完三分幾鐘間房已經好凍，又要再開番暖爐先可繼續錄音。」被問到為何如此辛苦去上海錄音，鄭融解釋：「因為嗰個監製喺上海，此行去咗一個禮拜，之後仲要再去幾次，我好怕凍，所以都有啲驚。」
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
