《逆天奇案2》
TVB劇集《逆天奇案2》由陳展鵬、林夏薇、馮盈盈、黃智賢及蔣祖曼等人主演，劇集自播出以嚟收視不俗，但口碑就認真一般。去到噚晚（24日）嗰集，鍾大狀Hazel（蔣祖曼飾）喺打爭產官司時，竟然拎咗幾張藝人撞樣嘅拼圖，去證明就算外貌相似都可以冇血緣關係，引起網民熱烈討論。
噚晚劇情講到杜匡珉律師（王賢誌飾）為錢主動提出幫自稱係尤麗胞妹夏悠倩（劉佩玥飾）打爭產官司，喺過程中兩位律師鬥得難分難解。
包括譚俊彥與李政宰
期間鍾大狀Hazel竟然喺冇DNA證明之下，竟然拎咗幾張藝人撞樣嘅拼圖，然後指相中藝人雖然外貌相似都冇血緣關係，包括譚俊彥與李政宰、已故藝人魯芬與PSY、吳鎮宇與墨西哥門將奧祖亞（Guillermo Ochoa）及阮兆祥與盧覓雪。
劇集播出後，隨即引起網民熱烈討論，並認為呢啲都可以做法庭證據好兒戲，例如「變咗搞笑片」、「冇巴斯光年」、「竟然冇哈林同庾澄慶」、「個幾張『人有相似』相笑X死!」、「不能說是非常相似，只可以話係完全一樣」、「點解唔用周華健同周文健做例子」、「這段對比圖笑死」、「又玩尷尬」、「一套正劇竟然喺度搞笑 ？」及「我笑噴了哈哈」等等。
原文刊登於 Yahoo 娛樂圈
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
